Rounsard e du Bartas
Qu'at cridos au Dorat, Rounsard, bos pas esta,
Mendre que lou Bartas, de hauto renoumado,
Doun la Muso belèu estèc de trop presado,
Mes qui sabouc taben lous reys acountenta.
Se daubus an boulut "la Semano" banta,
L'aymi d'aue sertout cantat nosto countrado
E, ta pauc qu'auje escriut dens nosto lengo aymado,
Oubrat dab tant d'aysenço enta haut la pourta.
Emper un calam d'or, sabe quin ey lou maje,
Rounsard, lou bèt akè : ne-t hè ni grand ni saje
E per esta jelous que n'auras pas crechut.
Per tant que porte oumbrèro à la bosto memorio
La télo dou desbrem que lou tems a téchut,
Damourerats touts dus dab un array de glorio. Pey Massartic
Commentaires